「舞龍」Van司機現身說法:啲人輸打贏要!

作者:Rose    發表日期:2018-09-28 07:42:14

一輛白色客貨車「舞龍」行車片段近日在網上瘋傳,有人批評他是馬路炸彈,司機成為眾矢之的!《港呢啲》成功聯絡到涉事司機曾先生,向他查詢當日情況,豈料他語出驚人地表示:「我唔係神經病,係事出有因...係佢手車渣,甩我唔X到!」

曾先生繼續向記者解釋:「佢無端端畀box我坐(即前方有車頂住,旁邊行車線又有車平排,令中間車輛猶如被困),唔畀我離開!」曾先生又指責,旁邊的賓利房車重施故技最少3次,更要求車上乘客用手機機拍攝他,令曾先生十分激氣:「咁樣梗係辣着我!」

對於片段中多次急煞以及切線等行為,曾先生表示當時已留意過路面情況,認為這些行徑不會對其他駕駛者構成威脅:「我睇過冇車先做。大佬,我手停口停,不過你要玩ㄚ嘛!」他更指他急煞時亦相當有技巧:「我冇踩曬油,㗎車仲溜前。」

至於有網民翻舊帳,指出他在馬路上有急煞前科,曾先生則淡言回應:「我2011年揸車到依家2017年,如果真係好似網民話我係馬路炸彈,點止得幾單?」

記者曾根據公司註冊處資料,到車主登記地址查詢,曾先生的舅母蕭太向記者表示,涉事車輛屬他丈夫所有,亦即是曾先生的舅父。而車主蕭先生在電話中也透露其外甥「好臭脾氣」!曾先生事後亦向記者表示,因此次事件麻煩了舅父一家,現忙於向他們斟茶道歉!
---------------
《港呢啲》:大事小事騎呢事,東網電視嚴謹選題,輕鬆製作!


本文來源:http://hk.on.cc/hk/bkn/cnt/news/20170904/bkn-20170904203812013-0904_00822_001.html